"Anti-terror əməliyyatının keçirilməsi istisna deyil və bu mümkün ehtimallardan biridir".
"Operativ Məlumat Mərkəzi-OMM" xəbər verir ki, bunu Milli Məclisin deputatı Elman Nəsirov TV Müsavat-ın efirində yayımlanan “Canlı Debat” verilişinin qonağı olarkən deyib.
"Ermənistanla həllini gözləyən kommunikasiyalar məsələsi, sərhədlərin delimitasiyası və demarkasiyası, həmçinin onların hərbi təxribatları ilə bağlı yaranmış situasiyanı diplomatiya yolu ilə tənzimlənmə ehtimalı aşağıdır. Paralel şəkildə sülh danışıqları və anti-terror əməliyyatlarının keçirilməsi mümkün ola bilər və istisna deyil. Anti-terror əməliyyatlarının keçirilməsi məsələsi Ermənistanın son davranışları fonunda daha da aktuallaşmış oldu", - deputat qeyd edib.
