Altay diyarında daşqın temperaturun kəskin dəyişməsi ilə xarakterizə olunan qeyri-adi qışın nəticəsi olub.
"Operativ Məlumat Mərkəzi-OMM" xəbər verir ki, bu məsələ ilə bağlı vilayət qubernatoru Viktor Tomenko “Rossiya 24” telekanalında danışıb.
Altay diyarının başçısı izah edib ki, qışın əvvəlində qar az olub, lakin şiddətli şaxtalar olub, nəticədə yer adi haldan çox donub. Sonra temperatur dəyişiklikləri başlayıb, bunun nəticəsində torpaqda buz damarları əmələ gəlib ki, indi də suyun torpağın dərinliyinə getməsinə mane olurlar.
Tomenko qeyd edib ki, Mixaylovski rayonunda 40 ilə yaxındır ərimiş sular səbəbindən daşqın olmayıb. Qubernator vurğulayıb ki, hazırda vəziyyət bir qədər sabitləşib və vətəndaşlar heç bir itki ilə üzləşməyib.