Almaniya millisinin futbolçusu Yulian Draksler üçün 2022/2023 mövsümü vaxtından tez sona çatıb.
"Operativ Məlumat Mərkəzi-OMM" xarici KİV-ə istinadən xəbər verir ki, buna səbəb yarımmüdafiəçinin zədələnməsi olub.
“Benfika”da icarə əsasında çıxış edən 29 yaşlı futbolçu topuğundan əməliyyat olunub. Həkimlər Drakslerin cari mövsüm heç bir oyuna çıxa bilməyəcəyini bildiriblər. O, bərpa dönəmini Portuqaliya klubunun düşərgəsində keçirəcək.
Draksler “Benfika”nın heyətində bu mövsüm bütün turnirlərdə 18 oyun keçirib, 2 qol vurub. Onun PSJ ilə sözləşmə müddəti 2024-cü ilin yayına qədər nəzərdə tutulub.