Almaniya Bundesratının (federal torpaqlar palatası) rəhbəri Manuela Şveziq Ukraynanın paytaxtı Kiyevdə işgüzar səfərdədir.

"Operativ Məlumat Mərkəzi-OMM" xəbər verir ki, bu barədə “RBC-Ukraina” məlumat yayıb.

“Bu, bütün 16 federal torpağın Ukrayna ilə həmrəyliyinin əlamətidir. Ukrayna bu müharibədə qalib gəlməlidir”, - o bildirib.

İsrail Müdafiə Ordusu Qəzza zolağının şimalındakı əş-Şücaiyyə rayonunda HƏMAS hərəkatına qarşı əməliyyata başlayıb.

"Operativ Məlumat Mərkəzi-OMM" xəbər verir ki, bu barədə ordunun mətbuat xidməti məlumat yayıb.

Qeyd edilib ki, gecə saaatlarında qoşunlar ərazidə məqsədyönlü basqınlar etməyə başlayıblar.

Cənubi Koreyanın Sənaye Nazirliyi Rusiya və Belarusa ixracı qadağan edilən məhsulların siyahısına daha 243 ədəd əlavə edib.

"Operativ Məlumat Mərkəzi-OMM" xəbər verir ki, bu barədə "Yonhap" yazıb.

Bu qərar həmin malların hərbi məqsədlər üçün istifadə olunma ehtimalına görə verilib. Siyahıya metal kəsmə avadanlığı, optik cihazların hissələri, sensorlar və s. daxildir.

Seulun məlumatına görə, əvvəlki gün Koreya Respublikası Şimali Koreya ilə Rusiya Federasiyası arasında neft məhsulları və silah daşıdığı iddia edilən Rusiyadan gələn şirkətlərə və gəmilərə məhdudiyyətlər qoyub.

Bildirilir ki, Qərbin dəfələrlə ittiham olunmasına baxmayaraq, nə Rusiya, nə də Şimali Koreya tərəfi Şimali Koreyanın Rusiyaya sursat verməsi faktını rəsmən təsdiqləməyib.

Peru sahillərində 7,0 maqnitudada zəlzələ baş verib və sunami təhlükəsi elan edilib.

"Operativ Məlumat Mərkəzi-OMM" TASS-a istinadən xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Zəlzələnin episentri təxminən 246 min nəfər əhalisi olan İka şəhərindən 250 km cənub-şərqdə yerləşib. Zəlzələnin ocağı 56 kilometr dərinlikdə yerləşib.

İtki və dağıntılar barədə məlumat daxil olmayıb.

Yaponiyada Fuciyə qalxan yollarda aparılan axtarışlar nəticəsində dağın Şizuokaya baxan kraterinin yaxınlığında 3 alpinistin cəsədi tapılıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Kyodo agentliyinin məlumatına görə, Şizuoka prefekturasının polisi alpinistlərin itkin düşməsi barədə xəbəri aldıqdan sonra axtarış əməliyyatına başlayıb.

Yaponiya milli mediası bildirir ki, yerli və xarici ziyarətçilərin günəşin doğuşunu izləmək də daxil olmaqla turistik məqsədlər üçün etdikləri gecə dırmaşmaları zamanı qəzalar baş verə bilər.

İsrail ordusunun 7 oktyabr 2023-cü il tarixindən etibarən Qəzza zolağına həyata keçirdiyi hücumlarda ölənlərin sayı son 24 saatda 47 nəfər artaraq 37 min 765-ə çatıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Ordunun son 24 saat ərzində Qəzzanın müxtəlif bölgələrində 3 “qırğın” həyata keçirdiyi və bu hücumlarda daha 47 fələstinlinin həyatını itirdiyi, 52 nəfərin isə yaralandığı bildirilib. Bununla da yaralıların sayı isə 86 min 429-a yüksəlib.