Suriyanın keçid dövrü prezidenti Əhməd əl-Şaraa 7-8 iyul tarixlərində keçiriləcək NATO sammiti zamanı Türkiyənin paytaxtı Ankaraya səfər edə bilər.
"Operativ Məlumat Mərkəzi-OMM" xəbər verir ki, bununla bağlı "Bloomberg" mənbələrə istinadən məlumat yayıb.
Bildirilib ki, səfər birbaşa sammitlə əlaqəli olmayacaq, lakin sammit çərçivəsində regional təhlükəsizlik, terrorizm və Suriyanın yenidən qurulması ilə bağlı görüşlər keçirilə bilər.
Türkiyə hökuməti və Suriya İnformasiya Nazirliyi agentliyin hesabatı ilə bağlı şərh verməkdən imtina edib.
Xatırladaq ki, NATO-nun 36-cı zirvə görüşü 7-8 iyul tarixlərində Ankaradakı Beştəpə Prezident Kompleksində keçiriləcək.
Türkiyə bundan əvvəl 2004-cü ildə İstanbulda keçirilən alyansın zirvə görüşünə ev sahibliyi etmişdi.
