Avropa İttifaqı (Aİ) Ukrayna və Moldova ilə üzvlük danışıqlarının iyunun 25-də başlayacağını açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Konfransın Lüksemburqda Aİ xarici işlər nazirlərinin iyunun 25-də keçiriləcək iclasında keçiriləcəyi öyrənilib.

Hökumətlərarası konfrans namizəd ölkənin Aİ-yə üzvlük danışıqlarının ilk rəsmi mərhələsi hesab olunur.

ABŞ-nin Arizona ştatının paytaxtı Feniksdə 46 dərəcəyə çatan istilər səbəbindən 6 nəfər ölüb.

"Operativ Məlumat Mərkəzi-OMM" xəbər verir ki, bu barədə xarici KKİV məlumat yayıb.

Milli Hava Xidmətindən (NWS) meteoroloq Ryan Vorley, yaxın günlərdə yağıntı ehtimalının olduğunu bildirərək, "Havanın temperaturu (46 dərəcəyə çatan) 43 dərəcəyə enə bilər, lakin gələn həftə temperatur yenidən yüksələcək",- deyə qeyd edib.

İsrail ordusunun Qəzza şəhərinin qərbindəki Şati Qaçqınlar Düşərgəsi və şərqdəki Tuffah bölgəsinə təşkil etdiyi hücumlarda ilkin hesablamalara görə 42 fələstinli həyatını itirib, çoxlu sayda fələstinli isə yaralanıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Şati Qaçqınlar Düşərgəsinə edilən hava hücumlarında mülki şəxslərə aid 7 evin birbaşa hədəfə alınaraq bombalandığını, ümumilikdə 20 evin hücumlardan ciddi ziyan gördüyünü bildirib.

Digər tərəfdən, İsrail ordusu sosial media hesabından verdiyi açıqlamada Qəzzada hücumların baş verdiyi bölgələrin "Həmas tərəfindən hərbi məqsədlər üçün istifadə edildiyini" iddia edib.

Yəmən Husi ordusunun sözçüsü Yəhya Saria üsyançı Ənsar Allah hərəkatının üzvlərinin Qırmızı dənizdə ABŞ-ın "Dwight Eisenhower" təyyarədaşıyan gəmisinə raket zərbələri endirib.

"Operativ Məlumat Mərkəzi-OMM" xəbər verir ki, onun sözləri "Al Masirah” telekanalında yayımlayıb.

Saria bildirib ki, təyyarədaşıyan gəmi Qırmızı dənizin şimalında ballistik və qanadlı raketlərlə hücuma məruz qalıb.

Saria bildirib ki, üsyançı qüvvələr Ərəbistan dənizində "Transworld Navigator" yük daşıyıcısına da hücum ediblər. Hücumlar ballistik raketlərlə həyata keçirilib.

O qeyd edib ki, ticarət gəmisinə hücum “işğal olunmuş Fələstin limanlarına keçid qadağasının pozulması” səbəbindən baş verib.

ABŞ dövlət katibinin siyasi məsələlər üzrə müavini Con Bass Ukraynaya səfər edib.

"Operativ Məlumat Mərkəzi-OMM" xəbər verir ki, bu barədə Xarici İşlər Nazirliyinin mətbuat xidməti məlumat yayıb.

Səfər zamanı Bass Ukraynanın baş naziri Denis Şmıqal, ölkə prezidentinin aparatının rəhbəri Andrey Ermak, xarici işlər naziri Dmitri Kuleba, müdafiə naziri Rustem Umerov, strateji sənaye naziri Aleksandr Kamışin və Ali Radanın deputatları ilə görüşüb.

Dövlət Departamentinin izah etdiyi kimi, tərəflər ABŞ-ın yeni hərbi və iqtisadi yardımının təsirini, müdafiə və digər sahələrdə uzunmüddətli öhdəlikləri, habelə Ukraynanın bərpası istiqamətində görülən işləri müzakirə ediblər.

Nazirliyin məlumatına görə, amerikalı məmur daha sonra Ukrayna təmas qrupu komandanlığının nümayəndələri ilə görüşmək üçün Almaniyaya gedib.

İsrail qırıcıları Qəzza ərazisində HƏMAS-ın iki hərbi obyektinə zərbələr endirib.

"Operativ Məlumat Mərkəzi-OMM" xəbər verir ki, bu barədə “The Times of Israel” ordunun mətbuat xidmətinə istinadən məlumat yayıb.

“Bir müddət əvvəl İsrail ordusuna məxsus qırıcılar Qəzza ərazisində HƏMAS-ın iki hərbi obyektinə zərbələr endirib”, - məlumatda bildirilib.