Avropa İttifaqı Şurası Ukraynaya 3,5 milyard avro məbləğində üçüncü ödənişi təsdiqləyib.
"Operativ Məlumat Mərkəzi-OMM" xəbər verir ki, bu barədə qurumun saytı məlumat yayıb.
“Şura Ukrayna Proqramı çərçivəsində Ukraynaya ödənilməmiş qrant və kreditlərin üçüncü ödənişini təsdiqlədikdən sonra, Ukrayna tezliklə təxminən 3,5 milyard avro alacaq”, - bəyanatda deyilir.
Aİ Şurası belə qənaətə gəlib ki, Kiyev Ukrayna Fondundan üçüncü tranşı almaq üçün lazımi şərtlərə cavab verir.
Şura qeyd edib ki, bu proqramın əsas məqsədi Ukraynanın makromaliyyə sabitliyini dəstəkləməkdir.
