Macarıstanın mövqeyi ümumavropa siyasəti ilə ziddiyyət təşkil etdiyinə görə Aİ-yə üzv ölkələrin xarici işlər nazirləri başçılarının görüşü Budapeştdən Brüsselə köçürüləcək.
"Operativ Məlumat Mərkəzi-OMM" xəbər verir ki, bu barədə Avropa diplomatiyasının rəhbəri Cozep Borrell bildirib.
“Mən düşünürdüm ki, bu görüşün Brüsseldə keçirilməsi daha məqsədəuyğundur, çünki Macarıstan hökumətinin ifadə etdiyi bəzi mövqelər Avropa İttifaqının ümumi siyasətinə ziddir”, - deyə Borrell qeyd edib.
Bundan əvvəl Macarıstanın Xarici İşlər və Xarici İqtisadi Əlaqələr naziri Peter Siyarto Brüsseldə Macarıstanın Rusiya Federasiyası ilə Ukrayna arasındakı mübahisənin sülh yoluyla həllini müdafiə edəcəyini bildirmişdi.
