Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Cozep Borrell, İsrailin humanitar yardımların ölkəyə girişinə qoyduğu məhdudiyyətləri pislədiyini bildirib və İsraili mövcud girişləri asanlaşdırmağa, bütün qapıları açmağa və humanitar dəhlizə icazə verməyə çağırıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Fevralın 29-da Qəzzada yardım gözləyən fələstinlilərə İsrailin hücumu ilə bağlı Borrell ofisindən verilən yazılı açıqlamada hadisənin işıqlandırılması üçün beynəlxalq araşdırma tələb olunub.

"Bu ciddi insident göstərir ki, humanitar yardımın ölkəyə girişinə qoyulan məhdudiyyətlər aclığa və xəstəliyə kömək edir, eyni zamanda, zorakılıq da gətirən çarəsizliyin səviyyəsini ortaya qoyur. Davamlı döyüşlər və beynəlxalq humanitar hüquqa məhəl qoyulmaması tamamilə çöküşlə nəticələnib. Bu, humanitar yardımın paylanmasını qeyri-mümkün edib və xaosa gətirib çıxaracaq”, - deyə məlumatda qeyd edilib.

İspaniya hökuməti İsrailə silah aparan gəminin yenidən təchizat üçün ölkənin limanlarında dayanması tələbini rədd edib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, "Marianne Danica" adlı Danimarka kommersiya yük gəmisinin İsrailə silah və partlayıcı material daşıdığının açıqlanmasından sonra hökumət Sumar ittifaqı və Podemos partiyasının cinayət şikayətlərini nəzərə alıb və gəminin İspaniya limanına yaxınlaşmasına icazə verməyib.

Mövzu ilə bağlı Brüsseldə jurnalistlərin suallarını cavablandıran Xarici İşlər Naziri Jose Manuel Albares, "Biz bunu ilk dəfə edirik, çünki ilk dəfə İsrailə silah daşıyan bir gəminin İspanyada dayanmaq istədiyini təsbit edirik. İsrailə göndəriləcək döyüş materialları qəbul etməmək bizim siyasətimiz üçün doğru addımdır".

Niderlandda Zoraya Ter Beekin psixi sağlamlıq problemləri səbəbiylə evtanaziya müraciəti qəbul edilib.

"Operativ Məlumat Mərkəzi-OMM" xəbər verir ki, bu barədə “The Guardian” nəşri məlumat yayıb.

Belə ki, 29 yaşlı qadının “dözülməz ruhi ağrılar” keçirməsi səbəbiylə qanunla “tibbi yardımlı ölüm” olaraq təyin olunan evtanaziyaya tezliklə məruz qalacaq.

Müraciət prosesinin yekunlaşması təxminən 3,5 il davam edən Ter Beekin "psixi sağlamlıq problemləri" səbəbiylə evtanaziya ediləcəyi xəbəri Avropada "yardımlı intihar" müzakirələrini yenidən alovlandırıb.

Psixoloji xəstəlik səbəbiylə müraciətinin qəbul edilməsi ilə bağlı yaranan müzakirələri anladığını bildirən Ter Beek, bu qanuni hüququn Hollandiyada 20 ildir həyata keçirildiyini və bundan bəhrələndiyini bildirib.

Almaniyanın Düsseldorf şəhərində yaşayış binasının birinci mərtəbəsindəki köşkdə baş verən partlayışdan sonra yanğın baş verib.

"Operativ Məlumat Mərkəzi-OMM"  xəbər verir ki, bu barədə xarici KİV məlumat yayıb.

Alov yuxarı mərtəbələrə və park edilmiş avtomobillərə keçib. Çoxlu sayda mənzil sakini nərdivanlarla eyvandan çıxarılıb. Yanğınsöndürmə idarəsindən verilən açıqlamada 3 nəfərin öldüyü, 16 nəfərin xəstəxanalara aparıldığı bildirilib.

Yanğının səbəbi hələlik məlum deyil.

Almaniyanın qərbində yaşayış binasında yanğın baş verib.

"Operativ Məlumat Mərkəzi-OMM" “General Anzeiger”ə istinadən xəbər verir ki, yanğın gecə saatlarında binanın birinci mərtəbəsində baş verib, sonra ikinci mərtəbəyə keçib.

Hadisə zamanı 3 nəfər ölüb, daha iki nəfər yaralanıb.

Məlumata görə, yanğının səbəbi bəlli deyil.

Slovakiyanın Baş naziri Robert Fitso kabinetin iclasından sonra baş verən atışmada yaralanıb.

"Operativ Məlumat Mərkəzi-OMM" xəbər verir ki, bu barədə yerli mətbuat xəbər yayıb.

Məlumata görə, atəş Fitso ictimaiyyət arasında çıxdıqdan sonra açılıb. Onu xəstəxanaya aparıblar.

Bildirilir ki, hücum edən şəxs saxlanılıb və onun hərəkətinin motivləri məlum deyil.