ABŞ Prezidenti Co Bayden noyabrın 18-19-da Rio de Janeyroda keçiriləcək G20 sammiti öncəsi Braziliya Prezidenti Luis İnasiu Lula da Silva ilə görüşəcək.
"Operativ Məlumat Mərkəzi-OMM" xəbər verir ki, bu barədə “Reuters” agentliyi mənbələrə istinadən yazıb.
Baydenin braziliyalı həmkarı ilə görüşünün noyabrın 16 və ya 17-də baş tutacağı gözlənilir.
Agentliyin həmsöhbətləri Ağ Evin səfərə hazırlıqlara başladığını bildirsələr də, liderlərin nələri müzakirə edəcəyi ilə bağlı təfərrüatlar açıqlanmayıb.
“Reuters”in məlumatına görə, Bayden Asiya-Sakit Okean İqtisadi Əməkdaşlıq Təşkilatının sammitindən (15-16 noyabr) sonra Braziliyanın şimal-qərbində yerləşən Manaus şəhərinə səfər edəcək. ABŞ Prezidenti həmçinin Belendə də qala bilər.
