Afət Ziyadqızı
Ukraynaya yeni hərbi yardım paketi ayırmağa qərar verən ABŞ şər tərəfini tutaraq müharibənin lehinə seçim edib.
"Operativ Məlumat Mərkəzi-OMM" "RİA "Novosti"yə istinadən xəbər verir ki, bunu Rusiyanın Vaşinqtondakı səfiri Anatoli Antonov deyib.
Diplomatın fikrincə, Amerika rəsmiləri öz siyasətlərində ölkənin hərbi-sənaye kompleksinin maraqlarını rəhbər tuturlar. Nəticədə ABŞ Ukraynanın təmsil etdiyi bütöv bir dövlətin taleyinə “son qoydu”.
Antonov həmçinin Amerika rəsmilərini “beynəlxalq sülh və təhlükəsizlik üçün xüsusi məsuliyyət” daşımaq öhdəliyini pozmaqda ittiham edib.
“Amerikanın yardımı Zelenskini xilas etməyəcək. Yeni silahlar məhv ediləcək”, - deyə diplomatik nümayəndəliyin rəhbəri əlavə edib.
