ABŞ Qəzzada atəşkəsə yenidən veto qoyub

ABŞ BMT Təhlükəsizlik Şurasının Qəzzada təcili humanitar atəşkəs tələb edən qətnaməsinə növbəti dəfə veto qoyub.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, BMT Təhlükəsizlik Şurası İsrailin Qəzzaya hücumlarının başlamasından sonra 11-ci dəfə toplanıb. Bu dəfə də görüşdən heç bir nəticə əldə olunmayıb.

Əlcəzairin təklif etdiyi Qəzzada dərhal və daimi atəşkəs nəzərdə tutan qanun layihəsi ABŞ tərəfindən veto edilib. Böyük Britaniyanın bitərəf qaldığı qanun layihəsi 13 ölkə tərəfindən qəbul edilsə də, daimi üzv olan ABŞ tərəfindən veto qoyulub.

Xatırladaq ki, ABŞ üçüncü dəfə atəşkəs qanun layihəsinə veto qoyub.