Braziliya prezidenti Luiz İnasio Lula da Silva ABŞ-ın tətbiq etdiyi tariflərin “işləməyəcəyini” deyib və prezident Donald Trampı “birtərəfli hərəkət etməkdə” ittiham edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Lula da Silva Sao Pauloda sənaye liderləri ilə görüşdə Trampın bir çox ölkəni əhatə edən tariflərini qiymətləndirib.
Trampı təktərəfli davranmaqda və qlobal sistemə iradəsini tətbiq etməkdə ittiham edən Lula da Silva Trampın hərəkətlərini izlədiyini qeyd edərək, Sizin nə düşündüyünüzü bilmirəm, amma (tariflər) işə yaramayacaq deyib.
"Dünya elə bir nöqtəyə gəlir ki, Tramp tək bir vətəndaşın dünyada nə baş verəcəyinə qərar vermək qabiliyyətinə malik olduğunu düşünür", - o bildirib.
