ABŞ-nin qırıcı təyyarəsi qəzaya uğrayıb

ABŞ-yə məxsus F-16 qırıcısı təlim uçuşu zamanı Sarı dənizə düşüb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Hərbi mənbələrdən əldə edilən məlumata görə, Cənubi Koreyada yerləşdirilən ABŞ qüvvələrinə məxsus F-16 tipli döyüş təyyarəsinin təlim uçuşu üçün paytaxt Seulun cənubundakı Kunsan Hərbi Hava Qüvvələri bazasından havaya qalxdıqdan sonra qəzaya uğradığı öyrənilib. Təyyarə qəzaya uğramazdan əvvəl tullanmağı bacaran pilot Cənubi Koreya sahil mühafizəsi tərəfindən sağ-salamat xilas edilib.

F-16-nın qəzaya uğramasının səbəbi ilə bağlı hələlik rəsmi açıqlama verilməsə də, hadisə ilə bağlı ətraflı araşdırma başladılıb.