ABŞ Yaxın Şərqdəki döyüş əməliyyatlarına hazırlıq məqsədilə Rumıniyaya müraciət edərək, ölkənin şərqində yerləşən Mixail Koqelniçanu aviabazasında əlavə hərbi qüvvələr yerləşdirmək istədiyini bildirib.
“Operativ Məlumat Mərkəzi-OMM” xəbər verir ki, bu barədə TASS agentliyi "Digi24" telekanalına istinadən məlumat yayıb.
Mənbələrin məlumatına görə, söhbət əlavə qırıcıların və hərbi qulluqçuların yerləşdirilməsindən gedir. Lakin onların dəqiq sayı hələlik açıqlanmır.
Rumıniyanın Prezidenti Nikuşor Dan isə öz növbəsində martın 11-də ölkənin Ali Müdafiə Şurasının iclasını keçirəcək. Bu iclasda ABŞ hərbi qüvvələrinin ölkədə müvəqqəti yerləşdirilməsinin təhlili aparılacaq.
