OMM Redaksiyası
ABŞ-nin texnologiya nəhəngi "Apple"ın yeni ağıllı saat modelləri olan "Apple Watch Ultra 2" və "Apple Watch Series 9"-un ABŞ-də satışı qadağan edilib.
"Operativ Məlumat Mərkəzi-OMM" xəbər verir ki, bu barədə ABŞ Ticarət Komissiyası açıqlama yayıb.
Belə ki, oktyabr ayında tibbi monitorinq texnologiyası şirkəti "Masimo"nun şikayətindən sonra "Apple"a sözügedən ağıllı saatların idxalını və satışını dayandırmağı əmr edən qərarına ABŞ prezidenti Co Bayden administrasiyası veto qoymayıb.
Dekabrın 25-nə qədər veto hüququ olan Bayden administrasiyası qərara veto qoymadığından, "Apple"ın ən yeni ağıllı saat modelləri "Apple Watch Ultra 2" və "Watch Series 9"-un ölkədə satışı qadağan edilib.
