Afət Ziyadqızı
ABŞ və Avropa arasındakı ittifaq “zədələnib, amma məhv olmayıb”.
"Operativ Məlumat Mərkəzi-OMM" xəbər verir ki, bu barədə "Politico" məlumat yayıb.
NATO ölkəsinin nümayəndəsi nəşrə bildirib ki, ABŞ müttəfiqlərini “tərk etmir”, lakin “Amerikanın prioritetlərində dəyişikliklər” müşahidə olunur. Eyni zamanda, "Politico"nun ABŞ və Avropadakı mənbələri diplomatiyanın və hərbi departamentlər arasında əlaqələrin konstruktiv və məhsuldar şəkildə davam etdiyini vurğulayıblar.
Onlar əlavə ediblər ki, hər iki tərəf qitədə hərbi təlimlər keçirir və Amerika qoşunlarını Avropada saxlamaq planından əl çəkməyib.
NATO alyansının bir ölkəsinin zabiti isə bildirib:
“Putin bizi bölməyə nail ola bilmədi. Əksinə, hətta İsveç və Finlandiya belə NATO-ya qoşuldu. Biz daha yaxşı vəziyyətdəyik və hər kəs – təkcə avropalılar deyil, həm də bir çox amerikalılar – NATO-nun əhəmiyyətinə əmindir”.
