Afət Ziyadqızı
İranın xarici işlər naziri Abbas Əraqçi İraqa səfəri çərçivəsində keçirdiyi görüşləri məhsuldar qiymətləndirib.
“Operativ Məlumat Mərkəzi-OMM” xəbər verir ki, bu barədə o, rəsmi Bağdada səfərinin yekunları ilə bağlı açıqlamasında bildirib.
Bildirilib ki, Abbas Əraqçi İraq rəsmiləri ilə apardığı danışıqların həm ikitərəfli münasibətlərin inkişafı, həm də regional məsələlərin müzakirəsi baxımından faydalı olduğunu vurğulayıb.
Məlumata görə, səfər çərçivəsində Tehran və Bağdad arasında əməkdaşlığın daha da gücləndirilməsi istiqamətində konkret addımlar müzakirə olunub.
Qeyd olunub ki, "İRNA" agentliyinin yaydığı məlumata əsasən, tərəflər regionda sabitliyin və təhlükəsizliyin təmin edilməsi məqsədilə məsləhətləşmələrin davam etdirilməsinin vacibliyi barədə razılığa gəliblər.
