ABŞ Prezidenti Donald Tramp təxminən 9,1 milyard dollar dəyərində federal xərclərin ixtisarını nəzərdə tutan qanun layihəsi imzalayıb.
"Operativ Məlumat Mərkəzi-OMM" xəbər verir ki, bununla bağlı "The Hill" məlumat yayıb.
Bildirilib ki, ictimai yayım və xarici yardımlar kimi sahələrdə böyük ixtisarları əhatə edən qanun layihəsi Konqresdə qəbul edildikdən sonra Prezident Trampın imzasına təqdim olunub.
Tramp, xarici yardımlar üçün 8 milyard dollar, ictimai yardım sahələri üçün isə təxminən 1,1 milyard dollar ixtisarı nəzərdə tutan federal ixtisar paketini imzalayıb.
Beləliklə, Trampın imzasından sonra qanun layihəsi rəsmən qüvvəyə minib.
Digər tərəfdən, Demokratlar bu addımın qlobal miqyasda ABŞ-nin nüfuzunu zəiflədəcəyini və yaranan boşluğun Çin tərəfindən doldurula biləcəyini bildirirlər.
