2022-2023 mövsümünün bitməsi ilə bir çox ulduz futbolçu karyerasını bitirmək qərarına gəlib.
"Operativ Məlumat Mərkəzi-OMM" karyerasını başa vuran futbolçuları təqdim edir:
1. Qeyri-adi qolları və bənzərsiz xarakteri ilə futbol tarixinin ən ikonik adlarından biri olan Zlatan İbrahimoviç futbolçu karyerasını Milanda başa vurub. İsveç əfsanəsi "Ayaks", "Yuventus", "İnter", "Barselona", "Milan", PSJ, "Mançester Yunayted" kimi Avropanın nəhəng klublarında çıxış edib və bir çox kuboklara yiyələnib.
2. Emmanuel Adebayor "Arsenal", "Mançester Siti" və "Tottenhem" forması ilə Premyer Liqada bir çox matçda meydana çıxıb və əfsanəyə çevrilib.
3. "Tottenham"də parlayan Qaret Beyl "Real Madrid"dəki uğurları ilə adını futbol tarixinə yazdı. Uelsli oyunçu son olaraq MLS-də "Los Angeles FC"də oynadıqdan sonra təqaüdə çıxmaq qərarına gəlib.
4. Türkiyənin əfsanəvi adlarından olan Burak Yılmaz bu həftə keçirdiyi mətbuat konfransında futbolu tərk etdiyini açıqlayıb. “Kral” ləqəbli hücumçu “Lill”, “Fortuna Sittard” və “Beijing Gouan” kimi komandalarda çıxış edib.
5. Fernando Llorente İspaniya Milli Komandası ilə Dünya Kuboku və Avropa Çempionatının sevincini yaşayıb. O, "Yuventus", "Tottenham", "Napoli", "Sevilla" kimi komandalarda oynayıb.
6. "Real Madrid", "Arsenal" və Almaniya milli komandasında göstərdiyi oyunla dünyanın ən yaxşı futbolçuları arasında göstərilən Məsut Özil Türkiyədə "Fənərbaxça" və "Başakşehir"də top qovduqdan sonra zədə səbəbindən futbolla vidalaşıb.
7. İspaniya futbolunun əfsanəvi adlarından biri, “Real Betis”in uğurlu futbolçusu Xoakin Sançes 41 yaşında karyerasını bitirib.
8. Joao Miranda "Atletiko Madrid" forması ilə qazandığı uğurlarla İspaniya komandasının əfsanələrindən birinə çevrilib. Müdafiəçi vətəni Braziliyanın "San Paulo" klubunda oynadıqdan sonra karyerasını başa vurub.
9.Marek Hamsik A Seriyasının komandalarından biri olan "Napoli"nin əfsanəsi oldu və "Trabzonspor"un uzun illərdən sonra gələn çempionluğunda böyük rol oynadı.
10. PSV "Olimpakos", "Borusiya Dortmund" "Benfika" və "Qalatasaray" kimi klublarda çıxış edən Yunanıstanlı Kostas Mitroğlu bu mövsüm karyerasını başa vuranlar arasındadır.
Məlik Məlikov