Gürcüstan prezidenti Salome Zurabişvili dekabrın 29-na qədər yeni parlament seçkilərinin tarixini təyin etməyi tələb edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Məlumata əsasən, Zurabişvili bu barədə dekabrın 22-də prezident iqamətgahı yaxınlığında keçirilən mitinqdə bildirib.
"Dekabrın 29-na kimi bizim bu ölkəni irəli aparmaq, demokratiya, barışıq, tərəqqi nümunəsi kimi buraxmaq şansımız var. Cavab gözləyirəm” , - deyə Zurabişvili bildirib.
Zurabişvili oktyabrın sonunda Gürcüstanda keçirilən və hakim “Gürcü arzusu” partiyasının qalib gəldiyi seçkiləri legitim hesab etmir.
