Afət Ziyadqızı
Yaponiya Nazirlər Kabinetinin baş katibi Yoşimasa Hayaşi bildirib ki, Yaponiya hökuməti Rusiyanın “Okean 2024” komanda mərkəzi təlimlərini, eləcə də Rusiya və Çinin regionda birgə fəaliyyətini yaxından izləyir.
"Operativ Məlumat Mərkəzi-OMM" xəbər verir ki, bu barədə TASS məlumat yayıb.
Jurnalistlərin bu təlimlərin məqsədləri ilə bağlı suallarını cavablandıran Hayaşi qeyd edib ki, bunu dəqiq demək mümkün deyil, lakin Rusiya Ukraynadakı vəziyyətə baxmayaraq Yaponiya yaxınlığında hərbi fəaliyyətini gücləndirməkdə davam edir.
Baş katib vurğulayıb ki, Yaponiya hökuməti Rusiya və Çinin bölgədəki hərbi fəaliyyətlərini, o cümlədən onların gələcək manevrlərini “yaxından izləməyə” və bu məsələ ilə bağlı məlumat toplamaqda davam edəcək.
