Türkiyədə zəlzələ bölgəsində təhsil alan tələbələr Azərbaycan universitetlərinə köçürüləcək?

Elm və təhsil naziri Emin Əmrullayev Türkiyədə zəlzələ bölgəsində təhsil alan tələbələrin Azərbaycan universitetlərinə köçürülməsi məsələsinə aydınlıq gətirib.

"Operativ Məlumat Mərkəzi - OMM" xəbər verir ki, bu barədə elm və təhsil naziri Emin Əmrullayev məlumat verib.

Nazir deyib ki, bu məsələ Ukraynada müharibə başlayanda da gündəmə gəlmişdi:

“Bizim yanaşmamış ondan ibarətdir ki, Azərbaycanda ali təhsil müəssisələrinə tələbələrin köçürülməsi qaydası var. “Bu, subyektiv rəy əsasında, kiminsə fikri ilə tənzimlənmir. Köçürülmə də həmin qaydalara əsasən tənzimlənir. Müvafiq qaydalara görə, tələbə müraciət edirsə, onların meyarları uyğun gəlirsə, belə tələbələri köçürürük”.