Afət Ziyadqızı
Türkiyənin Eskişehir şəhərində ağır yol qəzası baş verib.
"Operativ Məlumat Mərkəzi-OMM" xəbər verir ki, bu barədə “TRT Haber” məlumat yayıb.
Bildirilib ki, hadisə İnönü-Bozüyük magistral yolunda qeydə alınıb. Avtobusun aşması nəticəsində 3 nəfər ölüb, 31 nəfər isə yaralanıb.
Hadisə yerinə polis və təcili tibbi yardım əməkdaşları cəlb olunub. Yaralılar xəstəxanaya aparılıblar.
Qəzanın səbəbləri araşdırılır.
