ABŞ-nin yeni seçilmiş prezidenti Donald Trampın komandası ABŞ-ın ticarət tərəfdaşlarına təzyiq göstərmək üçün hər ay idxal tariflərini artırmaq niyyətindədir.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Tramp komandası idxal tariflərini hər ay 2-5 faiz bəndi artırmaq istəyir.
Bu yanaşma ABŞ-da artan inflyasiyanın qarşısını almaqla ticarət tərəfdaşlarına təzyiq göstərməyə kömək edəcək.
Xəzinədarlıq katibi vəzifəsinə namizəd Scott Bessent, Milli İqtisadi Şuranın təyin olunmuş direktoru Kevin Hassett və İqtisadi Məsləhətçilər Şurasının gələcək rəhbəri Stiven Mearan tarif tədbirlərinin hazırlanması üzərində işləyirlər.
