Afət Ziyadqızı
Tayland artan münaqişə fonunda Kambocaya yanacaq və strateji təchizatları fəal şəkildə dayandırır.
"Operativ Məlumat Mərkəzi-OMM" xəbər verir ki, bu barədə "The Nation" qəzeti məlumat yayıb.
Qeyd olunur ki, münaqişənin gərginləşməsindən sonra Tayland bütün neft treyderlərindən Kambocaya enerji ixracını dayandırmağı xahiş edib. Banqkok 2025-ci ilin iyul ayından etibarən yanacaq tədarükünü 100% azaldıb.
Dekabrın 13-də Taylandın Baş naziri Anuthin Çanvirakun ölkəsinin Kamboca ilə sərhəddə döyüşləri davam etdirəcəyini bildirib.
Tayland və Kambocanın sərhəd bölgələrində döyüşlər ötən həftə sonu şiddətlənib və bu günə qədər davam edir.
