Afət Ziyadqızı
Taliban hərəkatının sözçüsü Zabihullah Mücahid Əfqanıstanın Baqram Hava Bazasının ABŞ-yə qaytarılmayacağını bildirib.
"Operativ Məlumat Mərkəzi-OMM xəbər verir ki, bununla bağlı xarici KİV məlumat yayıb.
“Əfqanlar heç vaxt, heç bir şəraitdə öz torpaqlarının kiməsə təhvil verilməsinə icazə verməyəcəklər”, – deyə Mücahid vurğulayıb.
Eyni zamanda, Taliban sözçüsü bildirib ki, hərəkat ABŞ nümayəndələri ilə Əfqanıstanın Vaşinqtondakı səfirliyinin və Amerikanın Kabildəki səfirliyinin yenidən açılması məsələsinə dair danışıqlar aparıb.
Xatırladaq ki, sentyabr ayında ABŞ-nin keçmiş Prezidenti Donald Tramp Ağ Evin Baqram aviabazasını yenidən ələ keçirmək niyyətində olduğunu demişdi. Onun sözlərinə görə, bazanın yerləşdiyi ərazi – Kabilin şimalı – Çinə yaxınlığı baxımından strateji əhəmiyyət daşıyır.
