Səudiyyə Ərəbistanı İsrailin Qəzza zolağına elektrik enerjisi nəqlini kəsməsini sərt şəkildə pisləyib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Məsələ ilə bağlı Səudiyyə Ərəbistanı Xarici İşlər Nazirliyindən də açıqlama verilib.
Bildirilib ki, Səudiyyə Ərəbistanı İsrail hakimiyyətinin Qəzza zolağına elektrik enerjisinin verilişini kəsməklə fələstinlilərə qarşı kollektiv cəza tətbiqini ən sərt şəkildə pisləyir, beynəlxalq ictimaiyyətdən Qəzza zolağına elektrik enerjisi və humanitar yardımın dərhal, qeyd-şərtsiz və məhdudiyyətsiz çatdırılmasını təmin etmək üçün təcili tədbirlər görmək tələbini vurğulayır.
