PSJ-nin mərkəz müdafiəçisi Presnel Kimpembe Fransa çempionatından İspaniya La Liqasına keçə bilər.
"Operativ Məlumat Mərkəzi-OMM" xəbər verir ki, bu barədə "Todofichajes" portalı məlumat yayıb.
Məlumata görə, 29 yaşlı futbolçu ilə "Real" maraqlanır.
Kral klubu müdafiə xəttində problemlər yaşayır və gücləndiricilər axtarır.
Kimpembenin namizədliyi "Los Blankos" üçün prioritetlərdən biri hesab olunur.
Presnelin Paris nəhəngi ilə müqaviləsi 2026-cı ilin iyun ayının sonuna qədərdir.
"Transfermarkt" portalı müdafiəçinin bazar dəyərini 9 milyon avro qiymətləndirir.
