"Arsenal"ın mərkəz müdafiəçisi Uilyam Saliba İspaniya nəhəngi "Real Madrid"in hədəfinə düşüb.
"Operativ Məlumat Mərkəzi-OMM" xəbər verir ki, bu barədə "TBR Football" məlumat yayıb.
Mənbə bildirir ki, Madrid klubunun nümayəndələri 24 yaşlı fransız futbolçunu bu yaxınlarda Premyer Liqada "Mançester Siti" ilə oyunda (1:1) izləyiblər.
Saliba "Arsenal"a 2019-cu ilin yayında transfer olunub. Onun London klubu ilə müqaviləsi 2026/2027 mövsümünün sonunda başa çatır. Müdafiəçinin bazar dəyəri isə təxminən 80 milyon avro qiymətləndirilir.
