Fransalı hücumçu Antuan Qrizmann MLS-in "Los-Anceles" klubunun təkliflərini rədd edərək, "Atletiko Madrid"də qalmağa qərar verib.
"Operativ Məlumat Mərkəzi-OMM" xəbər verir ki, bu barədə jurnalist Fabrizio Romano məlumat yayıb.
Məlumata görə, Qrizmannla "Atletiko" arasında şifahi razılıq əldə olunub.
Fransız futbolçunun müqaviləsi 2027-ci ilin iyun ayına kimi nəzərdə tutulub.
Yeni müqavilə 2026 və 2027-ci illərdə futbolçunun maaşının mərhələli şəkildə azaldılmasını nəzərdə tutur.
Antuan bu mövsüm 46 oyun keçirib, 16 qol vurub və 7 məhsuldar ötürmə edib.
