Qırmızı dənizdəki vəziyyət Avropada ərzaq qıtlığına səbəb ola bilər

Qırmızı dənizdəki vəziyyət Avropa İttifaqına (Aİ) meyvə və qəhvə də daxil olmaqla ərzaq tədarükündə fasilələrə səbəb ola bilər.

"Operativ Məlumat Mərkəzi-OMM" xəbər verir ki, bu barədə "Bloomberg" məlumat yayıb.

Agentliyin məlumatına görə, Asiyadan Avropaya məhsul daşıyan gəmilər indi Qırmızı dəniz ətrafında marşrutları dəyişmək məcburiyyətindədir, yeni marşrutlar daha uzun və daha bahalıdır.

Agentlik yazır ki, bu, qaçılmaz olaraq avropalılar üçün malların son qiymətlərinə təsir göstərəcək.

Bundan əlavə, çatdırılma müddətinin uzadılması səbəbindən bəzi məhsullar zədələnə və ya uzun gecikmələrlə gəlib çata bilər ki, bu da mağazalarda anbar çatışmazlığına səbəb ola bilər.