Qəzza Səhiyyə Nazirliyi: Mühasirəyə alınan Nasser və Amal xəstəxanalarında fəlakət baş verir

Qəzza zolağının cənubundakı Xan Yunisdə İsrail ordusunun iki həftədir mühasirədə saxladığı Nasir və Amal xəstəxanalarında vəziyyətin tam fəlakət olduğu açıqlanıb.

"Operativ Məlumat Mərkəzi-OMM" xəbər verir ki, bu barədə Qəzza Səhiyyə Nazirliyinin mətbuat katibi Əşrəf əl-Qudra açıqlama verib.

Nasser və Amal xəstəxanalarında vəziyyətin pisləşdiyini və tam bir fəlakət yaşandığını bildirən Qudra, İsrailin xəstəxanalardakı xəstələrin, yaralıların və tibb qruplarının həyat təhlükəsizliyindən məsul olduğunu vurğulayıb.

Qudra Beynəlxalq Qızıl Xaç Təşkilatı və Birləşmiş Millətlər Təşkilatının (BMT) qurumlarını Xan Yunisdəki xəstəxanalardakı mülki insanları qorumağa, qida və lazımi tibbi ehtiyacları təmin etməyə çağırıb.