Qətldə təqsirləndirilən Rusiya Qəhrəmanına yeni maddə əlavə edilib

18 yaşlı qızı öldürməkdə şübhəli bilinən Rusiya Qəhrəmanı polkovnik-leytenant İrek Maqasumov xuliqanlıqda ittiham olunub.

"Operativ Məlumat Mərkəzi-OMM" xəbər verir ki, bu barədə “Kommersant” yazır.

Nəşrin məlumatına görə, Maqasumova qarşı cinayət işi üzrə istintaq yekunlaşıb. Qeyd olunub ki, Rusiya Federasiyası İstintaq Komitəsinin hərbi istintaqı son ana qədər hərbi qulluqçunun qızı qəsdən güllələyə biləcəyinə şübhə ilə yanaşıb və cinayəti Rusiya Federasiyası Cinayət Məcəlləsinin daha az ağır maddəsinə tövsif etməyi planlaşdırıb.