Qətər XİN: "Fələstinlilərlə İsrail arasında vasitəçilik səylərimiz hələ də davam edir"

Qətər Xarici İşlər Nazirliyinin sözçüsü Məcid əl-Ənsari ölkəsinin Qəzzada atəşkəs və əsir mübadiləsi üçün Fələstin və İsrail arasında vasitəçiliyinin hələ də davam etdiyini vurğulayıb.

"Operativ Məlumat Mərkəzi-OMM" xəbər verir ki, Ənsari bu barədə mətbuat konfransında qeyd edib.

O, iki ölkə arasında vasitəçilik səyləri ilə bağlı dərc olunan xəbərlərin əksəriyyətinin yalan olduğunu bildirib.

"Qəzzadakı böhranın tərəfləri arasında ciddi müzakirələr və danışıqlar aparırıq. Fələstinlilərlə İsrail arasında vasitəçilik səyləri hələ də davam edir və yerdəki vəziyyətdən asılı olmayaraq davam edəcək",- deyə XİN sözçüsü bildirib.