Polşa Ukraynaya hava hücumu zamanı hava hücumundan müdafiə və radar kəşfiyyatını yüksək hazırlıq vəziyyətinə salıb.
"Operativ Məlumat Mərkəzi-OMM" xəbər verir ki, bu barədə "X" sosial şəbəkəsində Polşa Silahlı Qüvvələrinin Əməliyyat Komandanlığı məlumat yayıb.
“Silahlı Qüvvələrin əməliyyat komandanı tərəfindən bütün mövcud qüvvə və vasitələr cəlb olunub, yerüstü hava hücumundan müdafiə və radar kəşfiyyat sistemləri ən yüksək hazırlıq səviyyəsinə gətirilib”, - nazirlikdən bildirilib.
NATO aviasiyasının Polşa hava məkanının mühafizəsi ilə məşğul olduğu bildirilir.
Komandanlıq izah edib ki, tədbirlər Rusiyanın Ukraynanın qərbində yerləşən hədəflərə növbəti hücumu ilə əlaqədar görülüb.
