Polşa "Dəmir Müdafiəçi" hərbi təlimlərinə 60 mindən çox hərbçi cəlb etdi

Polşada keçirilən “Dəmir müdafiəçi” hərbi təlimində 60 mindən çox hərbçi iştirak edir.

"Operativ Məlumat Mərkəzi-OMM" xəbər verir ki, Baş nazir Donald Task Baltik sahilindəki Ustkadakı poliqonda deyib.

“Təlimlərin əvvəlindən 60 000-dən çox hərbçi iştirak edib, onların böyük əksəriyyəti Polşa əsgərləridir”, - Task deyib.

Polşa baş naziri qeyd edib ki, Ustkadakı poliqondakı təlimlərdə Polşadan və digər NATO ölkələrindən 18 min hərbçi iştirak edir.

Bundan əlavə, Task vurğulayıb ki, Polşada ilk dəfə olaraq “Patriot” raket sistemləri manevrlər zamanı, eləcə də İnteqrasiya edilmiş Hava və Raket Hücumundan Müdafiə Döyüş Komandanlığı Sistemi (IBCS) sınaqdan keçiriləcək.