“Hökumət xərclədiyi pullara münasibətini dəyişməlidir. 2017-ci il Milli Məclisə seçki kampaniyası zamanı yolun pis vəziyyətinə görə Geqarkunikdə qəza keçirdim. Sükanda mən idim, qəzaya düşdük".
"Operativ Məlumat Mərkəzi-OMM" xəbər verir ki, bunu Ermənistanın baş naziri Nikol Paşinyan hökumətin növbəti iclasında deyib.
O, ölkə ərazisində yol infrastrukturunun bərbad vəziyyətdə olduğunu açıqlayıb:
"Əslində, vətəndaşları belə hallarda xidmət göstərən şirkətləri məhkəməyə verməyə çağırıram, hara gedirsənsə, orada böyük işarə var ki, yola bu şirkət, həmin şirkət xidmət göstərir, amma əslində xidmət göstərilmir".
