İtaliyanın baş naziri Giorgia Meloni və Avstraliyanın baş naziri Entoni Albanese ABŞ prezidenti Donald Trampın qlobal idxal vergilərini artırmaq qərarına reaksiya verib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Meloni Avropa Birliyinə tətbiq edilən 20 faizlik gömrük rüsumunu “yanlış” adlandırsa da, Albanese Avstraliya məhsullarına tətbiq edilən 10 faizlik idxal rüsumunun “ədalətsiz” olduğunu bildirib.
Trampın açıqladığı yeni tənzimləməyə görə, aprelin 5-dən etibarən ABŞ-a daxil olan bütün idxal məhsullarına 10 faiz əsas gömrük rüsumu tətbiq ediləcək.
Avropa İttifaqı və Çin də daxil olmaqla, təxminən 60 ölkə aprelin 9-dan etibarən daha yüksək tariflərə tabe olacaq.
