"Çelsi"nin hücumçusu Nikolas Ceksonun yay transfer pəncərəsində komandadan ayrılmaq ehtimalı artır.
"Operativ Məlumat Mərkəzi-OMM" xarici KİV-ə istinadən xəbər verir ki, 24 yaşlı seneqallı forvardın London klubunda qalıb-qalmayacağı sual altındadır.
Klubun yeni baş məşqçisi Enzo Mareska da bu məsələ ilə bağlı qeyri-müəyyən danışaraq, Ceksonun mümkün gedişini inkar etməyib:
"Transfer pəncərəsi zamanı hər şey ola bilər. Bu, Niko Ceksona da aiddir. Artıq iki hücumçu ilə müqavilə imzalamışıq, görəcəyik."
Cekson ötən mövsüm "Çelsi"nin heyətində 37 oyunda 13 qol və 6 assistlə yadda qalıb.
"Transfermarkt" portalı onun cari dəyərini 50 milyon avro olaraq qiymətləndirir.
