"Brentford"un müdafiəçisi Natan Kollinz İngiltərə futbolunun nəhənglərindən biri olan “Liverpul”un transfer hədəfləri arasında yer alır.
"Operativ Məlumat Mərkəzi-OMM" xəbər verir ki, bu barədə "Football Insider" məlumat yayıb.
24 yaşlı irlandiyalı futbolçunun transferi ilə bağlı “Liverpul” aktiv şəkildə çalışır, lakin "Brentford" yay transfer pəncərəsində əsas oyunçularından birini itirmək istəmir.
Ötən mövsüm Natan Kollinz 42 matçda iştirak edib, 2 qol vurub və 5 məhsuldar ötürmə edib.
Onun mövcud müqaviləsi 2029-cu ilin ortalarına qədər qüvvədədir və bazar dəyəri 28 milyon avro qiymətləndirilir.
