“Qahirə əl-İxbariyyə” televiziyasının yüksək səviyyəli Misir mənbələrinə əsaslanaraq verdiyi xəbərdə Qəzzada atəşkəsin təmin edilməsi üçün intensiv diplomatik təmasların aparıldığı qeyd edilib.
"Operativ Məlumat Mərkəzi-OMM" xəbər verir ki, danışıqlarda Mərkəzi Kəşfiyyat İdarəsinin direktoru Bill Börns, Qətərin baş naziri və xarici işlər naziri Şeyx Məhəmməd bin Əbdürrəhman Əl Tani, İsrail nümayəndə heyəti və HƏMAS-ın aparıcı simalarından ibarət nümayəndə heyəti iştirak edəcək.
Məsələ ilə bağlı Misirdən hələlik rəsmi açıqlama verilməyib.
HƏMAS-ın verdiyi açıqlamada Xəlil əl-Hayyenin rəhbərlik etdiyi nümayəndə heyətinin Misirin dəvəti ilə Qəzza zolağında atəşkəs danışıqlarında iştirak etmək üçün sabah Qahirəyə gedəcəyi bildirilib.
