Mexikoda leysan yağış 5 nəfərin həyatına son qoyub

Meksikanın paytaxtı Mexikoda şiddətli yağış sel əmələ gətirib.

"Operativ Məlumat Mərkəzi-OMM" xarici KİV-ə istinadən xəbər verir ki, fırtına ilə müşahidə edilən yağış bir sıra fəsadlara yol açıb.

Təbiət hadisəsi 5 nəfərin həyatına son qoyub.

Hidrometeroloqlar narıncı hava xəbərdarlığı elan ediblər.

Bəzi ərazilərdə torpaq sürüşməsi də baş verib.

Ölənlərdən ikisi torpaq altında qalıb.

Alvaro Obregon bölgəsində 52-dən çox binaya ziyan dəyib.