"Mançester Siti" heyətini gücləndirmək üçün işlərini davam etdirir.
"Operativ Məlumat Mərkəzi-OMM" xarici KİV-ə istinadən xəbər verir ki, klub “Yuventus”un müdafiəçisi Andrea Kambiaso üçün ilk rəsmi təklifini etməyə hazırlaşır.
“Mançester Siti” 24 yaşlı Kambiasonu komandanın heyətini ciddi şəkildə gücləndirə biləcək futbolçu hesab edir.
Nüfuzlu "Transfermarkt" portalının ekspertləri Andrea Kambiasonu 40 milyon avro qiymətləndirirlər.
2024/2025 mövsümündə müdafiəçi 27 oyun keçirib, 2 qol vurub və komanda yoldaşlarına 2 məhsuldar ötürmə edib.
