"Liverpul "yarımmüdafiəçi Fabio Karvalio ilə bağlı "Sauthempton"un təklifini rədd edib.
"Operativ Məlumat Mərkəzi-OMM" xəbər verir ki, bu barədə "Sky Sports" məlumat yayıb.
Mənbənin məlumatına görə, mersisaydlılar 21 yaşlı portuqaliyalını 15 milyon funt sterlinqə satmaqdan imtina ediblər.
Lakin "Sauthempton" danışıqları davam etdirmək niyyətindədir.
Karvalio 2022-ci ilin iyulundan "Liverpul"da çıxış edir.
Futbolçu 2023/24 mövsümünün ikinci yarısını icarə əsasında "Hull"da keçirib.
Karvalionun "Liverpul"la müqaviləsi 2027-ci ilin iyun ayının sonuna qədər qüvvədədir.
