Rusiya Qəzza zolağında müvəqqəti atəşkəsin tərəflər arasında davamlı sülh razılaşmasına gətirib çıxaracağına ümid edir.
"Operativ Məlumat Mərkəzi-OMM" xəbər verir ki, bu barədə Rusiyanın Təl-Əvivdəki səfiri Anatoli Viktorov TASS-a bildirib.
“Ümid edirik ki, bu müvəqqəti atəşkəs daha dayanıqlı sülh yolu ilə həllə gətirib çıxaracaq və yaranmış münaqişə vəziyyətinin köklü səbəblərini həll etmək üçün lazımi şərait yaradacaq”, - deyə o qeyd edib.
“Tərəflərin öhdəliklərini tam yerinə yetirməsini və bütün humanitar yardım planlarının həyata keçirilməsini gözləyirik”, - deyə diplomat əlavə edib.
O xatırladıb ki, Moskva Qəzzada atəşkəs və humanitar problemlərin həlli ilə bağlı İsrail nümayəndələri ilə radikal Fələstinin HƏMAS hərəkatı arasında əldə olunan razılaşmanı alqışlayır.
