İsrail fələstinlilər üçün "təhlükəsiz" elan etdiyi ərazinin dərhal boşaldılmasını tələb edib

İsrail oktyabrın 7-dən bu yana hücumlarını davam etdirdiyi Qəzza zolağında daha əvvəl "təhlükəsiz" elan etdiyi bölgədə əməliyyat aparılacağını açıqlayıb və fələstinlilərin dərhal ərazini boşaltmasını tələb edib.

"Operativ Məlumat Mərkəzi-OMM" xəbər verir ki, bu barədə İsrail Ordusunun sözçüsü Aviçay Adraee sosial mediada açıqlamada bildirib.

İsrailin "təhlükəsiz zona" olaraq elan etdiyi ərazini daraldacağını və bəzilərinə hücum edəcəyini bildirən Adraee, fələstinlilərdən dərhal və müvəqqəti Əl-Məvasiyə getmələrini istəyib.