OMM Redaksiyası
İraq hökuməti ABŞ-ın hücumunda həlak olanlar üçün ölkədə 3 günlük matəm elan edib.
"Operativ Məlumat Mərkəzi-OMM" xəbər verir ki, bu barədə İraq Baş nazirlik Mətbuat İdarəsindən verilən yazılı açıqlamada qeyd olunub.
"Baş nazir Məhəmməd Şia əl-Sudani silahlı qüvvələrimizdə şəhid olanların xatirəsinə bütün dövlət idarə və müəssisələrində 3 günlük ümumi matəm elan edilməsi barədə göstəriş verib",- deyə bəyanatda bildirilib.
Həmçinin İraq hökumət sözçüsü Bəsim Avvadi, verdiyi yazılı açıqlamada, "Amerika rəhbərliyi Qaim Akkaşat (Ənbar) bölgəsində təhlükəsizlik qüvvələrimizə hücum etdi. Bu düşmən hücumu mülki vətəndaşlar da daxil olmaqla 16 nəfərin şəhid olmasına və 25-nin yaralanmasına səbəb olub", - deyə qeyd edib.
