Estoniyanın enerji obyektləri silahlı mühafizəyə götürülüb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Qeyd olunur ki, “Kaitseliit” (könüllü hərbiləşdirilmiş birləşmə) və polis ölkənin elektrik infrastrukturunun bütün əsas obyektlərində, o cümlədən yarımstansiyalarda və kritik elektrik xətlərində silahlı mühafizəçilər yerləşdirib.
Estoniyanın Rusiya elektrik şəbəkəsindən ayrılması ərəfəsində “artan təhlükə” səbəbindən təhlükəsizlik tədbirləri gücləndirilib. Estoniya fevralın 8-də BRELL ilə əlaqəni kəsəcək.
Polis, İqlim Nazirliyi ilə əməkdaşlıq edərək, Estoniyada elektrik təchizatı üçün ən böyük əhəmiyyət kəsb edən 40-dan çox ərazini müəyyən edib.
Polis sözçüsü bildirib ki, onlardan bəziləri polis patrul marşrutlarına daxil edilib, digərləri isə Müdafiə Liqası ilə əməkdaşlıq çərçivəsində silahlı mühafizəçilərlə təmin olunub.
