Afət Ziyadqızı
Çin ABŞ-ın Tayvana silah satışı ilə bağlı silahlara nəzarət və silahların yayılmaması məsələlərində ABŞ ilə məsləhətləşmələri dayandırıb.
"Operativ Məlumat Mərkəzi-OMM" xəbər verir ki, bu barədə Çin Xarici İşlər Nazirliyinin rəsmi nümayəndəsi Lin Jian bildirib.
Lin Jian, "ABŞ tərəfi Çinin sərt etirazına məhəl qoymayaraq Tayvana silah satmağa davam etdi və Çinin əsas maraqlarını ciddi şəkildə pozan və qarşılıqlı siyasi etimadı məhv edən bir sıra hərəkətlər etdi",- deyə qeyd edib.
Bu kontekstdə Çin ABŞ-la silahlara nəzarət və yayılmamaq üzrə məsləhətləşmələrin yeni mərhələsini dayandırmaq qərarına gəlib.
Çin diplomatı əlavə edib ki, “mövcud vəziyyətə görə məsuliyyət Amerika tərəfinin üzərinə düşür”.
